PROFIL
PARTNER
BLOG
PROJEK
PUSTAKA
DOWNLOAD
MERCHANDISE
KONTAK
Introduction
Nawaksara is a collection of personal works related to culture, history, arts, and literature which were produced for the purpose of dedication and knowledge development.
Themes
Nusantara | Budaya | Tradisi | Sejarah | Seni | Sastra | Bahasa | Aksara | Manuskrip | Filsafat | Sofistik | Agama | Mistik | Kebatinan | Teknologi Informasi | Digitalisasi |
Supported By :
NAWAKSARA.ID
Collection of personal works were produced for the purpose of dedication and knowledge development.
find me on : nawaksara.id | @nawaksara.id | nawaksara channel
Diakses Pada: 2026-10-17 06:03:51
Sumber : https://nawaksara.id/sastra/nayaka-lalana-ii/
Sěrat Waosan Nayaka Lalana Bag : 2
9 August 2021 | 223 | By : Nawaksara
| DESKRIPSI NASKAH | ||
| Judul | : | Sěrat Cariyos Nayaka Lalana |
| Tipe | : | Terbitan |
| A / B | : | Jawa / Jawa |
| Bentuk | : | Tembang |
| Ikhtisar | : | Mengisahkan perjalanan gerilya 4 menteri bersama rombongan selama 209 hari pada masa Agresi Militer II Yogyakarta. |
| Berkas | : | --. |
| PROFIL | ||
| Pengarang | : | Mr.Susanta Tirtapraja (Karanganipun --) |
| Penyalin | : | Pak Kaswan Wirya Adikuswanda ( Ingkang nyantuni nganggé aksara Jawi --) |
| Penerbit | : | Djawatan Pengadjaran Kementerian Pendidikan Pengadjaran Dan Kebudajaan, Djakarta |
| Tahun | : | 1955 |
| FISIK | ||
| Media | : | HVS |
| Dimensi | : | 20.6 x 14.2 cm. |
| Halaman | : | 99 hlm. |
| Keterangan | : | Staples penyangga sudah korosi, diganti ikat benang jahit. |
| KATALOG | ||
| Sumber | : | Nawapustaka |
| Katalog | : | #MJ-NP109 |
| Model | : | Asli / Salinan |
| DIGITALISASI | ||
| Tanggal | : | 24-04-2020 |
| Pemindaian | : | - |
| Pengetikan | : | Diaz Nawaksara |
| Alih_aksara | : | Diaz Nawaksara |
| Terjemahan | : | Diaz Nawaksara |
| Berkas | : | - |
꧋ꦱꦼꦫꦠ꧀ꦮꦲꦺꦴꦱ꧀ꦱꦤ꧀
꧋ꦤꦪꦏꦭꦭꦤ꧉
SĚRAT WAOSAN NAYAKA LALANA
| ꧁꧂ | |
| ꧄ꦱꦶꦤꦺꦴꦩ꧀꧄ | |
| ꧑ | ꧄ꦗꦸꦗꦸꦒ꧀ꦒꦿꦶꦪꦏꦩꦶꦠꦸꦮ꧈ꦠꦺꦠꦺꦭꦱꦩ꧀ꦥꦸꦤ꧀ꦲꦤ꧀ꦝꦼꦭꦶꦏ꧀꧈ꦲꦩꦂꦒꦶꦏꦶꦠꦏꦶꦤꦶꦫ꧈ꦏꦢꦶꦥꦺꦏꦆꦫꦸꦩꦶꦪꦶꦤ꧀꧈ꦲꦚ꧀ꦗꦫꦃꦫꦪꦃꦱꦩꦶ꧈ꦲꦶꦁꦱꦏꦗꦼꦁꦏꦗꦼꦁꦔꦶꦥꦸꦤ꧀꧈ꦗꦒꦸꦁꦧꦼꦫꦱ꧀ꦢꦺꦤ꧀ꦫꦩ꧀ꦥꦱ꧀꧈ꦢꦭꦃꦲꦪꦩ꧀ꦠꦸꦮꦶꦤ꧀ꦏꦩ꧀ꦧꦶꦁ꧈ꦫꦗꦏꦪꦱꦩ꧀ꦥꦸꦤ꧀ꦩꦺꦃꦠꦼꦭꦱ꧀ꦱꦢꦪ꧉ |
| 1 | Jujug griya kamituwa/ tétéla sampun anḍělik/ amargi kita kinira/ kadi PKI rumiyin/ anjarah rayah sami/ ing sakajěng-kajěngipun/ jagung běras dén rampas/ dalah hayam tuwin kambing/ raja kaya sampun méh tělas sadaya// |
| ꧒ | ꧄ꦱꦉꦁꦱꦩ꧀ꦥꦸꦤ꧀ꦠꦶꦤꦼꦫꦁꦤ꧈ꦏꦤ꧀ꦛꦶꦗꦺꦭꦱ꧀ꦱꦂꦠꦠ꧀ꦭꦶꦠꦶ꧈ꦲꦤꦸꦭꦶꦱꦮꦼꦒ꧀ꦥꦿꦕꦪ꧈ꦭꦩꦸꦤ꧀ꦲꦶꦁꦏꦁꦫꦮꦸꦃꦔꦸꦁꦱꦶ꧈ꦪꦏ꧀ꦠꦶꦥꦔꦒꦼꦁꦤꦒꦿꦶ꧈ꦲꦶꦁꦔꦪꦺꦴꦒꦾꦱꦁꦏꦤ꧀ꦤꦶꦥꦸꦤ꧀꧈ꦏꦁꦤꦼꦢꦾꦲꦭꦭꦤ꧈ꦩꦤ꧀ꦠꦼꦥ꧀ꦲꦭꦧꦸꦃꦤꦒꦫꦶ꧈ꦮꦗꦶꦧ꧀ꦠꦶꦤꦸꦭꦸꦁꦲꦩꦿꦶꦃꦱꦩꦾꦫꦲꦂꦗ꧉ |
| 2 | Sarěng sampun tiněrangna/ kanṭi jelas sarta tliti/ anuli sawěg pracaya/ lamun ingkang rawuh ngungsi/ yakti pangagěng nagri/ ing ngayogya sangkanipun/ kang nědya alalana/ mantěp alabuh nagari/ wajib tinulung amrih samya raharja// |
| ꧓ | ꧄ꦝꦸꦏꦸꦃꦗꦼꦧ꧀ꦭꦺꦴꦒ꧀ꦲꦶꦏꦸꦚꦠ꧈ꦲꦮꦤꦺꦏꦭꦶꦮꦠ꧀ꦲꦠꦶꦱ꧀꧈ꦢꦸꦤꦸꦁꦔꦺꦤꦺꦁꦥꦒꦸꦤꦸꦁꦔꦤ꧀꧈ꦝꦸꦮꦸꦂꦫꦺꦧꦔꦼꦠ꧀ꦲꦩꦼꦚ꧀ꦕꦶꦠ꧀꧈ꦩꦸꦭꦒꦾꦲꦥꦶꦲꦥꦶ꧈ꦩꦿꦶꦃꦤꦸꦭꦏ꧀ꦲꦝꦼꦩ꧀ꦲꦚ꧀ꦗꦼꦏꦸꦠ꧀꧈ꦤꦺꦤ꧀ꦢꦿꦲꦏꦱꦸꦂꦩꦼꦫꦁ꧈ꦲꦏꦺꦃꦥꦶꦚ꧀ꦗꦭ꧀ꦭꦺꦲꦁꦒꦶꦒꦶꦠ꧀꧈ꦤꦢꦾꦤ꧀ꦔꦺꦴꦤꦺꦴꦠꦶꦊꦩ꧀ꦥꦸꦊꦱ꧀ꦩꦂꦒꦶꦱꦪꦃ꧉ |
| 3 | Ḍukuh Jěblog iku nyata/ hawané kaliwat atis/ dunungé néng pagunungan/ ḍuwuré bangět aměncit/ mula gya api-api/ mrih nulak aḍěm anjěkut/ néndra akasur měrang/ akéh pinjalé anggigit/ nadyan ngono tilěm pulěs margi sayah// |
| ꧔ | ꧄ꦲꦺꦚ꧀ꦗꦁꦔꦶꦥꦸꦤ꧀ꦤꦿꦸꦱ꧀ꦏꦼꦤ꧀ꦭꦩ꧀ꦥꦃ꧈ꦢꦸꦒꦶꦝꦸꦱꦸꦤ꧀ꦒꦼꦤꦶꦭꦔꦶꦠ꧀꧈ꦱꦶꦤꦸꦒꦠꦏꦤ꧀ꦛꦶꦧꦶꦔꦃ꧈ꦢꦺꦤꦶꦁꦧꦥꦏ꧀ꦭꦸꦫꦃꦢꦺꦱꦶ꧈ꦥꦏ꧀ꦎꦤ꧀ꦢꦼꦂꦥꦺꦴꦚ꧀ꦕꦺꦴꦭ꧀ꦲꦸꦒꦶ꧈ꦝꦠꦼꦁꦩꦽꦭꦺꦴꦏ꧀ꦲꦏꦼꦤ꧀ꦩꦼꦛꦸꦏ꧀꧈ꦮꦚ꧀ꦕꦶꦱꦺꦴꦤ꧀ꦠꦼꦤ꧀ꦒꦾꦧꦶꦝꦭ꧀꧈ꦲꦶꦁꦎꦤ꧀ꦢꦼꦂꦫꦤ꧀ꦥꦺꦴꦚ꧀ꦕꦺꦴꦭ꧀ꦏꦩ꧀ꦥꦶꦂ꧈ꦩꦸꦁꦱꦏꦼꦢꦥ꧀ꦤꦸꦭꦶꦥꦁꦏꦠ꧀ꦤꦸꦗꦸꦥꦫꦁ꧉ |
| 4 | Énjangipun nruskěn lampah/ dugi ḍusun gěni langit/ sinugata kanṭi bingah/ déning bapak lurah dési/ pak onděr poncol ugi/ ḍatěng mrělokakěn měṭuk/ wanci sontěn gya biḍal/ ing onděran poncol kampir/ mung sakědap nuli pangkat nuju parang// |
| ꧕ | ꧄ꦢꦭꦸꦢꦭꦸꦩꦼꦏ꧀ꦱꦩ꧀ꦭꦩ꧀ꦥꦃ꧈ꦱꦸꦥꦢꦺꦴꦱ꧀ꦲꦺꦁꦒꦭ꧀ꦭꦢꦸꦒꦶ꧈ꦏꦶꦛꦏꦎꦤ꧀ꦢꦼꦂꦫꦤ꧀ꦥꦫꦁ꧈ꦲꦺꦴꦧꦺꦴꦂꦧ꧀ꦭꦫꦏ꧀ꦢꦠꦤ꧀ꦏꦫꦶ꧈ꦩꦿꦶꦃꦲꦺꦁꦒꦭ꧀ꦠꦼꦧꦶꦃꦩꦂꦒꦶ꧈ꦱꦫꦁꦔꦤ꧀ꦕꦼꦩꦫꦱꦺꦮꦸ꧈ꦥꦼꦠꦼꦁꦝꦼꦝꦼꦠ꧀ꦭꦶꦩꦼꦁꦔꦤ꧀꧈ꦩꦼꦤ꧀ꦝꦸꦁꦫꦶꦮꦸꦠ꧀ꦲꦸꦢꦤ꧀ꦒꦿꦶꦩꦶꦱ꧀꧈ꦠꦼꦔꦃꦢꦭꦸꦱꦮꦼꦒ꧀ꦥꦿꦥ꧀ꦠꦺꦁꦏꦁꦱꦶꦤꦼꦢꦾ꧉ |
| 5 | Dalu dalu měksa mlampah/ supados énggala dugi/ kiṭa ka-onděran parang/ obor blarak datan kari/ mrih énggal těbih margi/ sarangan cěmara séwu/ pětěng ḍěḍět liměngan/ měnḍung riwut udan grimis/ těngah dalu sawěg prapténg kang sinědya// |
| ꧖ | ꧄ꦤꦸꦭꦶꦚꦫꦺꦲꦶꦁꦎꦤ꧀ꦢꦼꦂꦫꦤ꧀꧈ꦥꦏ꧀ꦎꦤ꧀ꦢꦼꦂꦱꦔꦼꦠ꧀ꦒꦸꦩꦠꦶ꧈ꦚꦼꦒꦃꦏꦺꦴꦥꦶꦭꦤ꧀ꦝꦲꦂꦫꦤ꧀꧈ꦤꦢꦾꦤ꧀ꦧꦼꦔꦶꦠꦼꦔꦃꦮꦼꦔꦶ꧈ꦥꦏ꧀ꦩꦒꦼꦠ꧀ꦠꦤ꧀ꦧꦸꦥꦠꦶ꧈ꦫꦢꦺꦤ꧀ꦏꦺꦴꦢꦿꦠ꧀ꦱꦩꦢꦶꦏꦸꦤ꧀꧈ꦒꦾꦢꦺꦤ꧀ꦏꦶꦤ꧀ꦠꦸꦤ꧀ꦤꦶꦱꦼꦫꦠ꧀꧈ꦱꦸꦥꦪꦝꦠꦼꦁꦩꦁꦒꦶꦃꦲꦶ꧈ꦮꦁꦱꦸꦭꦤ꧀ꦚꦕꦸꦮꦢꦠꦤ꧀ꦱꦒꦼꦢ꧀ꦥꦿꦥ꧀ꦠ꧉ |
| 6 | Nuli nyaré ing onděran/ pak onděr sangět gumati/ nyěgah kopi lan ḍaharan/ nadyan běngi těngah wěngi/ pak magětan bupati/ Radén Kodrat Samadikun/ gya dén kintuni sěrat/ supaya ḍatěng manggihi/ wangsulannya cuwa datan sagěd prapta// |
| ꧗ | ꧄ꦢꦭꦸꦤꦶꦥꦸꦤ꧀ꦥꦶꦤ꧀ꦝꦃꦒꦿꦶꦪ꧈ꦮꦶꦱ꧀ꦩꦲꦭꦶꦠ꧀ꦤꦔꦶꦁꦲꦱꦿꦶ꧈ꦲꦶꦁꦏꦁꦲꦤ꧀ꦢꦂꦧꦺꦤ꧀ꦤꦶꦮꦶꦱ꧀ꦩ꧈ꦪꦏꦺꦴꦤ꧀ꦝꦺꦏ꧀ꦠꦸꦂꦏꦿꦺꦠꦲꦥꦶ꧈ꦲꦺꦩꦤ꧀ꦠꦤ꧀ꦱꦒꦼꦢ꧀ꦭꦩꦶ꧈ꦮꦶꦠ꧀ꦏ꧀ꦭꦶꦤ꧀ꦠꦼꦂꦫꦤ꧀ꦩꦺꦴꦠꦺꦴꦂꦩꦧꦸꦂ꧈ꦤꦼꦢꦾꦠꦿꦸꦱ꧀ꦩꦿꦶꦁꦭꦺꦩ꧀ꦧꦺꦪꦤ꧀꧈ꦏꦺꦴꦤꦺꦴꦲꦸꦒꦧꦧꦪꦤ꧀ꦤꦶ꧈ꦩꦸꦭꦤꦶꦫꦥꦿꦪꦺꦴꦒꦶꦠꦼꦠꦼꦥ꧀ꦤꦺꦁꦥꦫꦁ꧉ |
| 7 | Dalunipun pinḍah griya/ wisma alit nanging asri/ ingkang andarbénni wisma/ ya konḍéktur kréta api/ éman tan sagěd lami/ wit klintěran motor mabur/ nědya trus mring lémbéyan/ kono uga babayani/ mulanira prayogi tětěp néng parang// |
| ꧘ | ꧄ꦤꦢꦾꦤ꧀ꦠꦼꦠꦼꦥ꧀ꦠ꧀ꦭꦠꦃꦥꦫꦁ꧈ꦥꦿꦪꦺꦴꦒꦶꦏꦁꦫꦒꦶꦠꦼꦧꦶꦃ꧈ꦱꦏꦶꦁꦏꦶꦛꦏꦎꦤ꧀ꦢꦼꦂꦫꦤ꧀꧈ꦥꦏ꧀ꦎꦤ꧀ꦢꦼꦂꦠꦸꦂꦥꦩꦿꦪꦺꦴꦒꦶ꧈ꦩꦁꦒꦺꦤ꧀ꦲꦶꦁꦔꦸꦤꦸꦠ꧀ꦢꦺꦱꦶ꧈ꦮꦺꦴꦭꦸꦁꦏꦶꦭꦺꦴꦱꦏꦶꦁꦤꦔꦿꦶꦏꦸ꧈ꦧꦏ꧀ꦢꦩꦒ꦳ꦿꦶꦧ꧀ꦒꦾꦧꦶꦝꦭ꧀꧈ꦧꦥꦏ꧀ꦎꦤ꧀ꦢꦼꦂꦢꦠꦤ꧀ꦏꦫꦶ꧈ꦢꦸꦒꦶꦔꦸꦤꦸꦠ꧀ꦱꦩ꧀ꦥꦸꦤ꧀ꦢꦭꦸꦗꦩ꧀ꦱꦢꦱ꧉ |
| 8 | Nadyan tětěp tlatah parang/ prayogi kang ragi těbih/ saking kiṭa ka-onděrran/ pak onděr tur pamrayogi/ manggén ing ngunut dési/ wolung kilo saking ngriku/ bakda magrib gya biḍal/ bapak onděr datan kari/ dugi ngunut sampun dalu jam sadasa// |
| ꧙ | ꧄ꦕꦏꦥ꧀ꦩꦶꦮꦃꦧꦼꦂꦱꦼꦩꦔꦠ꧀꧈ꦭꦸꦫꦃꦢꦺꦱꦔꦸꦤꦸꦠ꧀ꦪꦼꦏ꧀ꦠꦶ꧈ꦩꦔꦼꦂꦠꦶꦲꦺꦴꦧꦲꦶꦁꦗꦩꦤ꧀꧈ꦠꦶꦤ꧀ꦢꦏ꧀ꦏꦺꦠꦤ꧀ꦔꦸꦕꦶꦮꦤ꧀ꦤꦶ꧈ꦧꦺꦴꦏ꧀ꦭꦸꦫꦃꦲꦸꦒꦠꦿꦩ꧀ꦥꦶꦭ꧀꧈ꦩꦚꦸꦒꦠꦥꦫꦠꦩꦸ꧈ꦥꦏ꧀ꦭꦸꦫꦃꦠꦸꦂꦥꦿꦪꦺꦴꦒ꧈ꦥꦶꦤ꧀ꦝꦃꦒꦿꦶꦪꦲꦶꦁꦏꦁꦱꦼꦥꦶ꧈ꦮꦶꦠ꧀ꦏ꧀ꦭꦸꦫꦃꦲꦤ꧀ꦭꦸꦩꦿꦃꦲꦺꦢꦢꦶꦗꦸꦗꦸꦒ꧀ꦒꦤ꧀꧉ |
| 9 | Cakap miwah běrsěmangat/ lurah désa ngunut yěkti/ mangěrti obahing jaman/ tindakké tan nguciwanni/ bok lurah uga trampil/ manyugata para tamu/ pak lurah tur prayoga/ pinḍah griya ingkang sěpi/ wit klurahan lumrahé dadi jujugan// |
| ꧑꧐ | ꧄ꦲꦺꦚ꧀ꦗꦁꦔꦶꦥꦸꦤ꧀ꦤꦸꦭꦶꦥꦶꦤ꧀ꦝꦃ꧈ꦝꦠꦼꦁꦢ꧀ꦭꦶꦱꦼꦩ꧀ꦝꦸꦏꦸꦃꦲꦭꦶꦠ꧀꧈ꦠꦏ꧀ꦱꦶꦃꦮꦼꦁꦏꦺꦴꦤ꧀ꦔꦸꦤꦸꦠ꧀ꦏꦿꦗꦤ꧀꧈ꦱꦏꦶꦁꦏ꧀ꦭꦸꦫꦃꦲꦤ꧀ꦠꦤ꧀ꦠꦼꦧꦶꦃ꧈ꦲꦶꦁꦏꦺꦴꦤꦺꦴꦮꦸꦱ꧀ꦥꦶꦤꦁꦒꦶꦃ꧈ꦏꦭꦮꦤ꧀ꦥꦢꦼꦩꦤ꧀ꦩꦪꦸꦂ꧈ꦏꦁꦮꦸꦱ꧀ꦲꦠꦶꦁꦒꦭ꧀ꦒ꧀ꦭꦁꦒꦁ꧈ꦠꦮꦁꦩꦔꦸꦢꦺꦤ꧀ꦲꦺꦴꦚ꧀ꦕꦠ꧀ꦠꦶ꧈ꦢꦠꦤ꧀ꦔ꧀ꦭꦮꦤ꧀ꦱꦸꦩꦶꦁꦏꦶꦂꦔꦸꦁꦏꦸꦂꦏꦼꦤ꧀ꦩꦼꦁꦱꦃ꧉ |
| 10 | Énjangipun nuli pinḍah/ ḍatěng dlisěm ḍukuh alit/ taksih wěngkon ngunut krajan/ saking klurahan tan těbih/ hing kono wus pinanggih/ kalawan paděman mayur/ kang wus atinggal glanggang/ tawangmangu dén oncati/ datan nglawan sumingkir ngungkurkěn měngsah// |
| *** | |
| ꧄ꦥꦁꦏꦸꦂ꧄ | |
| ꧑ | ꧄ꦏꦺꦴꦕꦥꦏꦁꦕꦶꦤꦫꦶꦠ꧈ꦲꦶꦁꦱꦠꦸꦁꦒꦭ꧀ꦢꦶꦤ꧀ꦠꦼꦤ꧀ꦧꦏ꧀ꦢꦩꦒꦿꦶꦧꦶ꧈ꦝꦮꦃꦠꦁꦒꦭ꧀ꦱꦔꦭꦶꦏꦸꦂ꧈ꦝꦺꦱꦺꦩ꧀ꦧꦼꦂꦤꦸꦁꦒꦶꦭ꧀ꦮꦸꦭꦤ꧀꧈ꦢꦸꦩꦫꦺꦴꦗꦺꦴꦒ꧀ꦥꦤ꧀ꦏꦽꦁꦒꦺꦴꦱ꧀ꦱꦤ꧀ꦤꦥꦱ꧀ꦱꦶꦥꦸꦤ꧀꧈ꦄꦒꦺꦤ꧀ꦥꦺꦴꦭꦶꦱꦶꦤꦒꦫ꧈ꦩꦼꦤ꧀ꦠꦱ꧀ꦩ꧀ꦭꦗꦼꦁꦱꦶꦥꦠ꧀ꦏꦸꦥꦶꦁ꧉ |
| 1 | Kocapa kang cinarita/ ing satunggal dintěn bakda magribi/ ḍawah tanggal sangalikur/ ḍèsèmběr nunggil wulan/ dumarojog pan krěnggosan napasipun/ agèn polisi nagara/ měntas mlajěng sipat kuping// |
| ꧒ | ꧄ꦩ꧀ꦭꦗꦼꦁꦔꦼꦤ꧀ꦛꦶꦠ꧀ꦱꦏꦶꦁꦥꦫꦁ꧈ꦥꦽꦭꦸꦔꦠꦸꦂꦫꦏꦼꦤ꧀ꦒ꧀ꦭꦶꦱ꧀ꦮꦂꦠꦶꦥꦼꦤ꧀ꦠꦶꦁ꧈ꦝꦸꦱꦸꦤ꧀ꦥꦫꦁꦱꦺꦴꦤ꧀ꦠꦼꦤ꧀ꦮꦲꦸ꧈ꦮꦸꦱ꧀ꦏꦝꦠꦼꦁꦔꦤ꧀ꦩꦼꦁꦱꦃ꧈ꦲꦤꦸꦩ꧀ꦥꦏ꧀ꦠꦽꦏ꧀ꦢꦠꦤ꧀ꦠꦼꦫꦁꦕꦕꦃꦲꦶꦥꦸꦤ꧀꧈ꦥꦿꦩꦶꦭꦥꦿꦪꦺꦴꦒꦶꦲꦺꦁꦒꦭ꧀꧈ꦧꦶꦝꦭ꧀ꦱꦏꦶꦁꦝꦸꦱꦸꦤ꧀ꦔꦿꦶꦏꦶ꧉ |
| 2 | Mlajěng ngěnṭit saking Parang/ prělu ngaturakěn glis warti pěnting/ ḍusun Parang sontěn wau/ wus kaḍatěngan měngsah/ anumpak trěk datan těrang cacahipun/ pramila prayogi ènggal/ biḍal saking ḍusun ngriki// |
| ꧓ | ꧄ꦱꦶꦒꦿꦱꦩꦶꦠꦠꦠꦠ꧈ꦥꦏ꧀ꦲꦤꦸꦭꦸꦩꦗꦼꦁꦲꦤꦔꦿꦸꦩꦶꦪꦶꦤ꧀ꦤꦶ꧈ꦮꦸꦱꦤꦔꦤ꧀ꦠꦶꦏꦼꦧꦼꦤ꧀ꦠꦸꦱ꧀꧈ꦩꦿꦶꦥꦠ꧀ꦏꦼꦠꦠꦧ꧀ꦱꦺꦭ꧈ꦱꦏꦧꦔꦼꦠ꧀ꦫꦶꦏꦠ꧀ꦠꦺꦲꦁꦒꦺꦤ꧀ꦤꦺꦩ꧀ꦭꦪꦸ꧈ꦠꦱ꧀ꦱꦤ꧀ꦝꦭ꧀ꦝꦮꦃꦠꦶꦤꦶꦭꦂ꧈ꦕꦶꦤꦼꦭꦸꦏ꧀ꦢꦠꦤ꧀ꦩꦁꦱꦸꦭ꧀ꦭꦶ꧉ |
| 3 | Sigra sami tata-tata/ pak anu lumajěng angrumiyini/ wusana nganti kěběntus/ mripat kětatab sèla/ saka bangět rikaté anggèné mlayu/ tas sanḍal ḍawah tinilar/ ciněluk datan mangsuli// |
| ꧔ | ꧄ꦭꦩ꧀ꦥꦸꦱꦺꦤ꧀ꦠꦼꦂꦠ꧀ꦭꦺꦫꦥ꧀ꦠ꧀ꦭꦺꦫꦥ꧀꧈ꦱꦼꦭꦺꦴꦠ꧀ꦱꦸꦮꦺꦱꦼꦭꦺꦴꦠ꧀ꦥꦉꦏ꧀ꦚꦼꦭꦏ꧀ꦏꦶ꧈ꦲꦮꦶꦠ꧀ꦮꦸꦱ꧀ꦠꦤ꧀ꦧꦶꦱꦩ꧀ꦭꦪꦸ꧈ꦩꦸꦥꦸꦱ꧀ꦧꦝꦺꦲꦚꦼꦫꦃ꧈ꦏꦩ꧀ꦢꦸꦭꦶꦭ꧀ꦭꦃꦲꦶꦁꦏꦁꦥꦿꦥ꧀ꦠꦢꦭꦸꦢꦭꦸ꧈ꦗꦼꦧꦸꦭ꧀ꦭꦺꦩꦪꦺꦴꦂꦥꦢꦼꦩꦤ꧀꧈ꦤꦼꦢꦾꦩꦼꦛꦸꦏ꧀ꦥꦫꦩꦤ꧀ꦠꦿꦶ꧉ |
| 4 | Lampu sèntěr tlèrap-tlèrap/ sělot suwé sělot parěk nyělaki/ awit wus tan bisa mlayu/ mupus baḍé anyěrah/ khamdulillah ingkang prapta dalu-dalu/ jěbulé mayor paděman/ nědya měṭuk para mantri// |
| ꧕ | ꧄ꦢꦺꦤꦺꦎꦠꦺꦴꦏꦁꦧꦶꦤꦼꦏ꧀ꦠ꧈ꦧꦸꦥꦠꦶꦥꦤꦫꦒꦏꦁꦚꦩ꧀ꦧꦸꦠ꧀ꦠꦶ꧈ꦄꦱꦶꦱ꧀ꦠꦺꦤ꧀ꦮꦢꦤꦱꦩ꧀ꦥꦸꦁ꧈ꦱꦸꦩꦂꦠꦲꦫꦤ꧀ꦤꦶꦫ꧈ꦠꦸꦩꦸꦠ꧀ꦩꦼꦛꦸꦏ꧀ꦮꦃꦲꦺꦧꦠ꧀ꦱꦼꦩꦔꦠ꧀ꦠꦶꦥꦸꦤ꧀꧈ꦤꦸꦩ꧀ꦥꦏ꧀ꦎꦠꦺꦴꦤꦸꦭꦶꦧꦶꦝꦭ꧀꧈ꦤꦢꦾꦤ꧀ꦧꦼꦔꦶꦠꦼꦔꦃꦮꦼꦔꦶ꧉ |
| 5 | Dèné oto kang biněkta/ Bupati Panaraga kang nyambuti/ Asistèn Wadana Sampung/ Sumarta aranira/ tumut měṭuk wah hébat sěmangatipun/ numpak oto nuli biḍal/ nadyan běngi těngah wěngi// |
| ꧖ | ꧄ꦱꦉꦁꦕꦼꦭꦏ꧀ꦱꦩ꧀ꦥꦸꦁꦠ꧀ꦭꦠꦃ꧈ꦎꦠꦺꦴꦤꦶꦥꦸꦤ꧀ꦏꦼꦥꦼꦏ꧀ꦱꦚꦧꦿꦁꦏꦭꦶ꧈ꦲꦩꦂꦒꦶꦗꦼꦩ꧀ꦧꦠꦤ꧀ꦤꦶꦥꦸꦤ꧀꧈ꦮꦸꦱ꧀ꦊꦧꦸꦂꦢꦶꦥꦸꦤ꧀ꦫꦶꦱꦏ꧀꧈ꦩꦶꦁꦒꦃꦲꦶꦥꦸꦤ꧀ꦏꦼꦥꦼꦏ꧀ꦱꦠꦶꦤꦫꦶꦏ꧀ꦊꦩ꧀ꦧꦸ꧈ꦱꦏꦼꦝꦥ꧀ꦏꦩ꧀ꦥꦶꦂꦎꦤ꧀ꦢꦼꦂꦫꦤ꧀꧈ꦱꦶꦤꦼꦒꦃꦝꦲꦂꦭꦤ꧀ꦏꦺꦴꦥꦶ꧉ |
| 6 | Sarěng cělak Sampung tlatah/ otonipun kěpěksa nyabrang kali/ amargi jěmbatanipun/ wus lěbur dipun risak/ minggahipun kěpěksa tinarik lěmbu/ sakěḍap kampir onděran/ siněgah ḍahar lan kopi // |
| ꧗ | ꧄ꦧꦔꦸꦤ꧀ꦲꦺꦚ꧀ꦗꦶꦁꦤꦸꦭꦶꦥꦿꦥ꧀ꦠ꧈ꦲꦶꦁꦥꦔꦸꦁꦱꦺꦤ꧀ꦤꦶꦥꦸꦤ꧀ꦧꦥꦏ꧀ꦧꦸꦥꦠꦶ꧈ꦒꦺꦴꦤ꧀ꦢꦮꦂꦢꦪꦫꦤ꧀ꦤꦶꦥꦸꦤ꧀꧈ꦲꦶꦁꦏꦶꦛꦥꦤꦫꦒ꧈ꦩꦸꦁꦱꦏꦼꦝꦥ꧀ꦢꦠꦤ꧀ꦢꦔꦸꦊꦉꦩ꧀ꦩꦶꦥꦸꦤ꧀꧈ꦮꦶꦠ꧀ꦔꦺꦔꦼꦠ꧀ꦠꦶꦏꦥꦭ꧀ꦠꦼꦂꦧꦁ꧈ꦭꦩꦸꦤ꧀ꦱꦶꦪꦁꦧꦼꦧꦪꦤ꧀ꦤꦶ꧉ |
| 7 | Bangun énjing nuli prapta/ ing pangungsènipun bapak bupati/ Gănda Wardaya ranipun/ ing kiṭa Panaraga/ mung sakěḍap datan dangu lěrěmipun/ wit ngèngěti kapal těrbang/ lamun siyang běbayani// |
| ꧘ | ꧄ꦤꦸꦩ꧀ꦥꦏ꧀ꦎꦠꦺꦴꦤꦿꦸꦱ꧀ꦏꦼꦤ꧀ꦭꦩ꧀ꦥꦃ꧈ꦠꦸꦫꦸꦠ꧀ꦩꦂꦒꦶꦩꦸꦭꦠ꧀ꦔꦮꦱ꧀ꦏꦼꦤ꧀ꦔꦶꦁꦒꦶꦭ꧀꧈ꦩꦤꦮꦤꦩꦺꦴꦠꦺꦴꦂꦩꦧꦸꦂ꧈ꦱꦺꦴꦏꦸꦂꦱ꧀ꦭꦩꦼꦠ꧀ꦭꦩ꧀ꦥꦃꦚ꧈ꦠꦧꦸꦃꦥꦶꦠꦸꦥꦿꦥ꧀ꦠꦏꦮꦼꦢꦤꦤ꧀ꦥꦸꦭꦸꦁ꧈ꦲꦶꦁꦤꦔꦿꦶꦏꦸꦠꦺꦠꦺꦭꦏꦛꦃ꧈ꦥꦫꦥꦼꦒꦮꦺꦏꦁꦔꦸꦁꦱꦶ꧉ |
| 8 | Numpak oto nruskěn lampah/ turut margi mulat ngawaskěn nginggil/ manawa na motor mabur/ sokur slamět lampahnya/ tabuh pitu prapta kawědanan Pulung/ ing ngriku tètèla kaṭah/ para pěgawé kang ngungsi// |
| ꧙ | ꧄ꦥꦤꦶꦠꦿꦱꦫꦶꦥ꧀ꦲꦸꦠꦩ꧈ꦭꦤ꧀ꦏꦼꦠꦸꦮꦤꦶꦁꦥꦔꦢꦶꦭ꧀ꦭꦤ꧀ꦤꦒꦿꦶ꧈ꦥꦏ꧀ꦫꦺꦴꦃꦪꦤꦶꦲꦱ꧀ꦩꦤꦶꦥꦸꦤ꧀꧈ꦗꦏ꧀ꦱꦲꦫꦤ꧀ꦱꦸꦤꦂꦪ꧈ꦱꦔꦼꦠ꧀ꦏꦛꦃꦭꦩꦸꦤ꧀ꦱꦢꦪꦱꦶꦤꦼꦧꦸꦠ꧀꧈ꦏꦠꦺꦴꦤ꧀ꦱꦩꦶꦱꦔꦼꦠ꧀ꦧꦶꦔꦃ꧈ꦥꦶꦤꦁꦒꦶꦃꦱꦩꦶꦧꦱꦸꦏꦶ꧉ |
| 9 | Panitra Sarip Utama/ lan kětuwaning pangadilan nagri/ Pak Rohyani asmanipun/ jaksa aran Sunarya/ sangět kaṭah lamun sadaya siněbut/ katon sami sangět bingah/ pinanggih sami basuki// |
| ꧑꧐ | ꧄ꦲꦸꦒꦶꦩꦿꦁꦒꦸꦭ꧀ꦭꦶꦥꦿꦱꦶꦱ꧀ꦮ꧈ꦲꦱꦤ꧀ꦧꦱꦿꦶꦱꦩꦺꦴꦢꦿꦏꦛꦃꦩꦭꦶꦃ꧈ꦱꦩꦶꦱꦒꦃꦲꦩ꧀ꦧꦶꦪꦤ꧀ꦠꦸ꧈ꦱꦩꦸꦏꦮꦶꦱ꧀ꦥꦏꦂꦪꦤ꧀꧈ꦢꦠꦤ꧀ꦮꦼꦒꦃꦩꦿꦶꦁꦥꦸꦤ꧀ꦢꦶꦪꦢꦶꦥꦸꦤ꧀ꦲꦸꦠꦸꦱ꧀꧈ꦱꦤꦺꦱ꧀ꦢꦶꦤ꧀ꦠꦼꦤ꧀ꦥꦶꦤ꧀ꦝꦃꦱꦼꦫꦏ꧀꧈ꦝꦸꦱꦸꦤ꧀ꦭꦺꦫꦺꦁꦉꦢꦶꦮꦶꦭꦶꦱ꧀꧉ |
| 10 | Ugi mrangguli pra siswa/ Hasan Basri Samodra kaṭah malih/ sami sagah ambiyantu/ samukawis pakaryan/ datan wěgah mring pundia dipun utus/ sanès dintěn pinḍah Sěrak/ ḍusun lèrèng rědi Wilis// |
| ꧑꧑ | ꧄ꦢꦸꦥꦶꦮꦺꦴꦤ꧀ꦠꦼꦤ꧀ꦝꦸꦱꦸꦤ꧀ꦱꦼꦫꦏ꧀꧈ꦥꦿꦥ꧀ꦠꦢꦸꦠꦤꦶꦫꦺꦁꦩꦼꦤ꧀ꦠꦿꦶꦄꦒꦩꦶ꧈ꦥꦏ꧀ꦱꦸꦭꦺꦩꦤ꧀ꦲꦱ꧀ꦩꦤꦶꦥꦸꦤ꧀꧈ꦥꦽꦭꦸꦲꦱꦸꦁꦥꦮꦂꦠ꧈ꦪꦺꦤ꧀ꦤꦪꦏꦲꦒꦩꦏꦶꦪꦲꦶꦩꦱ꧀ꦏꦸꦂ꧈ꦱꦒꦼꦢ꧀ꦲꦺꦴꦚ꧀ꦕꦠ꧀ꦱꦏꦶꦁꦪꦺꦴꦒꦾ꧈ꦲꦶꦁꦒꦺꦴꦤ꧀ꦠꦺꦴꦂꦊꦉꦩ꧀ꦲꦔꦸꦁꦱꦶ꧉ |
| 11 | Dupi wontěn ḍusun Sěrak/ prapta dutanirèng měntri agami/ Pak Sulèman asmanipun/ prělu asung pawarta/ yèn nayaka agama Kiyai Maskur/ sagěd oncat saking Yogya/ ing Gontor lěrěm angungsi// |
| ꧑꧒ | ꧄ꦠꦤ꧀ꦱꦒꦃꦝꦠꦼꦁꦥꦿꦶꦪꦺꦴꦁꦒ꧈ꦩꦂꦒꦶꦱꦪꦃꦠꦸꦂꦧꦼꦏ꧀ꦠꦥꦸꦠꦿꦲꦭꦶꦠ꧀꧈ꦲꦮꦶꦠ꧀ꦱꦔꦼꦠ꧀ꦉꦥꦺꦴꦠ꧀ꦠꦶꦥꦸꦤ꧀꧈ꦩꦸꦒꦶꦢꦶꦥꦸꦤ꧀ꦩꦏ꧀ꦭꦸꦩ꧈ꦲꦺꦚ꧀ꦗꦁꦔꦶꦥꦸꦤ꧀ꦥꦏ꧀ꦱꦸꦭꦺꦩꦤ꧀ꦤꦸꦭꦶꦮꦁꦱꦸꦭ꧀꧈ꦥꦏ꧀ꦱꦭꦺꦃꦥꦩꦶꦠ꧀ꦠꦤ꧀ꦏꦺꦱꦃ꧈ꦩꦼꦒꦠ꧀ꦩꦿꦶꦁꦩꦼꦤ꧀ꦠꦿꦶꦄꦒꦩꦶ꧉ |
| 12 | Tan sagah ḍatěng priyongga/ margi sayah tur běkta putra alit/ awit sangět repotipun/ mugi dipun makluma/ énjangipun Pak Sulèman nuli wangsul/ Pak Salèh pamitan kèsah/ měgat mring měntri agami// |
| *** | |
| ꧄ꦩꦼꦒꦠꦿꦸꦃ꧄ | |
| ꧑ | ꧄ꦢꦸꦥꦶꦭꦺꦫꦺꦤ꧀ꦲꦶꦁꦱꦼꦫꦏ꧀ꦒꦾꦥꦿꦥ꧀ꦠꦒꦸꦥꦸꦃ꧈ꦢꦸꦩꦿꦺꦴꦗꦺꦴꦒ꧀ꦏꦫꦤ꧀ꦥꦩꦸꦗꦶ꧈ꦮꦏꦶꦭ꧀ꦫꦺꦱꦶꦝꦺꦤ꧀ꦩꦢꦶꦪꦸꦤ꧀꧈ꦥꦶꦤꦁꦒꦶꦃꦤꦪꦏꦏꦭꦶꦃ꧈ꦱꦼꦤꦼꦁꦔꦶꦫꦢꦸꦢꦸꦥꦢꦺꦴꦤ꧀꧉ |
| 1 | Dupi lèrèn ing Sěrak gya prapta gupuh/ dumrojog Karan Pamuji/ wakil Rèsiḍèn Madiun/ pinanggih nayaka kalih/ sěněngira dudu padon// |
| ꧒ | ꧄ꦒꦺꦤ꧀ꦚꦊꦉꦩ꧀ꦲꦶꦁꦱꦼꦫꦏ꧀ꦱꦏꦮꦤ꧀ꦢꦭꦸ꧈ꦤꦸꦭꦶꦱꦩꦾꦥꦶꦤ꧀ꦝꦃꦩꦭꦶꦃ꧈ꦩꦿꦶꦁꦝꦸꦱꦸꦤ꧀ꦱꦏꦶꦢꦸꦭ꧀ꦭꦶꦥꦸꦤ꧀꧈ꦝꦸꦱꦸꦤ꧀ꦮꦪꦁꦠꦼꦤ꧀ꦠꦽꦩ꧀ꦱꦼꦥꦶ꧈ꦲꦶꦁꦏ꧀ꦭꦸꦫꦃꦲꦤ꧀ꦒꦺꦤ꧀ꦚꦩꦁꦒꦺꦴꦤ꧀꧉ |
| 2 | Gènnya lěrěm ing Sěrak sakawan dalu/ nuli samya pinḍah malih/ mring ḍusun sakidulipun/ ḍusun Wayang těntrěm sěpi/ ing klurahan gènnya manggon// |
| ꧓ | ꧄ꦭꦸꦫꦃꦮꦪꦁꦏꦠꦺꦴꦤ꧀ꦤꦶꦥꦸꦤ꧀ꦱꦩ꧀ꦥꦸꦤ꧀ꦱꦼꦥꦸꦃ꧈ꦤꦔꦶꦁꦒꦾꦠ꧀ꦠꦶꦥꦸꦤ꧀ꦏꦼꦥꦠꦶ꧈ꦪꦼꦏ꧀ꦠꦶꦤꦶꦥꦸꦤ꧀ꦠꦶꦭꦱ꧀ꦒꦸꦫꦸ꧈ꦥꦿꦩꦶꦭꦱꦔꦼꦠ꧀ꦠꦭꦶꦠꦶ꧈ꦕꦶꦏꦠ꧀ꦠꦸꦂꦉꦩꦼꦤ꧀ꦒꦼꦒꦸꦪꦺꦴꦤ꧀꧉ |
| 3 | Lurah Wayang katonipun sampun sěpuh/ nanging gyatipun kěpati/ yěktinipun tilas guru/ pramila sangět taliti/ cikat tur rěměn gěguyon// |
| ꧔ | ꧄ꦢꦠꦤ꧀ꦢꦔꦸꦥꦿꦥ꧀ꦠꦥꦏ꧀ꦄꦂꦢꦶꦮꦶꦤꦔꦸꦤ꧀꧈ꦪꦺꦏꦸꦲꦶꦁꦏꦁꦩꦔꦂꦱꦤ꧀ꦤꦶ꧈ꦏꦫꦺꦱꦶꦝꦺꦤꦤ꧀ꦩꦢꦶꦪꦸꦤ꧀꧈ꦮꦶꦠ꧀ꦏꦔꦼꦤ꧀ꦥꦱꦸꦤ꧀ꦝꦤ꧀ꦤꦒꦿꦶ꧈ꦱꦸꦁꦏꦮꦤꦶꦁꦒꦭꦶꦃꦏꦠꦺꦴꦤ꧀꧉ |
| 4 | Datan dangu prapta Pak Ardi Winangun/ yèku ingkang mangarsani/ karèsiḍènan Madiun/ wit kangěn Pasunḍan nagri/ sungkawaning galih katon// |
| ꧕ | ꧄ꦠꦁꦒꦭ꧀ꦒꦁꦱꦭ꧀ꦗꦤ꧀ꦮꦫꦶꦥꦏ꧀ꦱꦤ꧀ꦠꦠꦸꦫꦸꦤ꧀꧈ꦥꦤꦫꦒꦥꦽꦭꦸꦠꦸꦮꦶ꧈ꦥꦠꦶꦃꦫꦶꦢꦼꦂꦮꦸꦱ꧀ꦥꦺꦤ꧀ꦱꦶꦪꦸꦤ꧀꧈ꦲꦤꦸꦤꦸꦠ꧀ꦧꦥꦏ꧀ꦧꦸꦥꦠꦶ꧈ꦒꦺꦤ꧀ꦚꦠꦶꦤ꧀ꦢꦏ꧀ꦤꦶꦠꦶꦃꦩꦺꦴꦤ꧀ꦠꦺꦴꦂ꧉ |
| 5 | Tanggal gangsal Janwari Pak Santa turun/ Panaraga prělu tuwi/ patih riděr wus pènsiyun/ anunut bapak bupati/ gènnya tindak nitih montor// |
| ꧖ | ꧄ꦥꦤꦫꦒꦲꦺꦚ꧀ꦗꦁꦔꦶꦥꦸꦤ꧀ꦮꦸꦱ꧀ꦒꦶꦤꦼꦩ꧀ꦥꦸꦂ꧈ꦢꦼꦤꦶꦁꦏꦥꦭ꧀ꦠꦼꦂꦧꦁꦮ꧀ꦭꦤ꧀ꦢꦶ꧈ꦱ꧀ꦮꦫꦤꦺꦱꦔꦼꦠ꧀ꦒꦸꦩꦸꦫꦸꦃ꧈ꦱꦼꦫꦁꦔꦤ꧀ꦔꦺꦧꦠ꧀ꦲꦺꦧꦠꦶ꧈ꦱꦺꦴꦏꦸꦂꦠꦤ꧀ꦤꦏꦁꦏꦼꦠꦠꦺꦴꦤ꧀꧉ |
| 6 | Panaraga ènjangipun wus giněmpur/ dening kapal těrbang Wlandi/ swarané sangět gumuruh/ sěrangan ngèbat-èbati/ sokur tan na kang kětaton// |
| ꧗ | ꧄ꦧꦏ꧀ꦢꦭꦸꦲꦸꦂꦥꦏ꧀ꦨꦸꦥꦠꦶꦥꦿꦥ꧀ꦠꦩꦼꦛꦸꦏ꧀꧈ꦲꦶꦁꦩꦂꦒꦶꦥꦏ꧀ꦱꦤ꧀ꦠꦏꦩ꧀ꦥꦶꦂ꧈ꦲꦩꦁꦒꦶꦃꦲꦶꦏꦾꦲꦶꦩꦱ꧀ꦏꦸꦂ꧈ꦫꦶꦱꦁꦤꦪꦏꦄꦒꦩꦶ꧈ꦥꦶꦤꦁꦒꦶꦃꦲꦶꦁꦝꦸꦱꦸꦤ꧀ꦒꦺꦴꦤ꧀ꦠꦺꦴꦂ꧉ |
| 7 | Bakda luhur pak bupati prapta měṭuk/ ing margi Pak Santa kampir/ amanggihi Kyai Maskur/ risang nayaka agami/ pinanggih ing ḍusun Gontor// |
| ꧘ | ꧄ꦩꦼꦤ꧀ꦠꦿꦶꦏꦭꦶꦃꦉꦤꦲꦶꦁꦥꦁꦒꦭꦶꦃꦲꦶꦥꦸꦤ꧀꧈ꦥꦶꦤꦁꦒꦶꦃꦱꦩꦶꦧꦱꦸꦏꦶ꧈ꦱꦩꦶꦠꦽꦚꦸꦃꦩꦤꦃꦲꦶꦥꦸꦤ꧀꧈ꦏꦺꦔꦼꦠ꧀ꦠꦤ꧀ꦩꦿꦶꦁꦏꦸꦭꦮꦂꦒꦶ꧈ꦏꦿꦲꦺꦴꦱ꧀ꦤꦭꦺꦴꦁꦱꦏꦫꦺꦴꦁꦫꦺꦴꦤ꧀꧉ |
| 8 | Měntri kalih rěna ing panggalihipun/ pinanggih sami basuki/ sami trěnyuh manahipun/ kèngětan mring kulawargi/ kraos nalăngsa karongron// |
| ꧙ | ꧄ꦢꦸꦥꦶꦩꦼꦤ꧀ꦠꦿꦶꦄꦒꦩꦶꦠꦶꦤꦫꦺꦴꦱ꧀ꦠꦸꦩꦸꦠ꧀꧈ꦏꦼꦩ꧀ꦥꦭ꧀ꦭꦤ꧀ꦩꦼꦤ꧀ꦠꦿꦶꦏꦼꦏꦭꦶꦃ꧈ꦠꦤ꧀ꦥꦿꦪꦺꦴꦒꦶꦗꦮꦧ꧀ꦧꦶꦥꦸꦤ꧀꧈ꦮꦶꦠ꧀ꦪꦺꦤ꧀ꦩꦼꦁꦱꦃꦱꦒꦼꦢ꧀ꦩꦁꦒꦶꦃ꧈ꦠꦼꦠꦶꦒꦠꦶꦤꦁꦏꦼꦥ꧀ꦏ꧀ꦭꦏꦺꦴꦤ꧀꧉ |
| 9 | Dupi měntri agami tinaros tumut/ kěmpalan měntri kěkalih/ tan prayogi jawabipun/ wit yèn měngsah sagěd manggih/ tětiga tinangkěp klakon// |
| ꧑꧐ | ꧄ꦢꦸꦥꦶꦏꦠꦺꦴꦤ꧀ꦥꦏ꧀ꦱꦤ꧀ꦠꦮꦸꦱ꧀ꦱꦒꦼꦢ꧀ꦮꦁꦱꦸꦭ꧀꧈ꦲꦶꦁꦮꦪꦁꦏꦤ꧀ꦛꦶꦧꦱꦸꦏꦶ꧈ꦏꦁꦠꦶꦤꦶꦭꦂꦔꦸꦕꦥ꧀ꦱꦺꦴꦏꦸꦂ꧈ꦢꦺꦤꦺꦗꦿꦺꦴꦤꦶꦁꦱꦿꦁꦔꦤ꧀ꦪꦼꦏ꧀ꦠꦶ꧈ꦩꦸꦤ꧀ꦢꦸꦂꦲꦶꦔꦪꦺꦴꦩ꧀ꦩꦤ꧀ꦩꦤꦺꦴꦤ꧀꧉ |
| 10 | Dupi katon Pak Santa wus sagěd wangsul/ ing Wayang kanṭi basuki/ kang tinilar ngucap sokur/ dèné jroning srangan yěkti/ mundur ingayoman Manon// |
| *** | |
| ꧄ꦢꦸꦂꦩ꧄ | |
| ꧑ | ꧄ꦢꦸꦏ꧀ꦤꦭꦶꦏꦩꦱꦶꦃꦊꦉꦩ꧀ꦝꦸꦱꦸꦤ꧀ꦱꦼꦫꦏ꧀꧈ꦥꦏ꧀ꦥꦼꦤꦲꦩꦶꦮꦶꦠ꧀ꦠꦶ꧈ꦲꦔꦠꦸꦂꦲꦸꦱꦲ꧈ꦭꦥꦁꦔꦤ꧀ꦥꦼꦤꦼꦫꦔꦤ꧀꧈ꦏꦤ꧀ꦛꦶꦫꦥꦶꦭꦤ꧀ꦠꦼꦭꦶꦠꦶ꧈ꦢꦺꦥꦏ꧀ꦄꦤꦤ꧀ꦠ꧈ꦏꦁꦢꦺꦤ꧀ꦱꦼꦫꦃꦲꦶꦩꦶꦩ꧀ꦥꦶꦤ꧀꧉ |
| 1 | Duk nalika masih lěrěm ḍusun Sěrak/ Pak Pěna amiwiti/ angatur usaha/ lapangan pěněrangan/ kanṭi rapi lan těliti/ dé Pak Ananta/ kang dèn sěrahi mimpin// |
| ꧒ | ꧄ꦥꦏ꧀ꦄꦤꦤ꧀ꦠꦲꦱꦭ꧀ꦚꦱꦏꦶꦁꦩꦏꦱꦂ꧈ꦥꦼꦥꦫꦧ꧀ꦧꦸꦒꦶꦱ꧀ꦄꦤ꧀ꦢꦶ꧈ꦲꦒꦒꦃꦥꦿꦏꦺꦴꦱ꧈ꦏꦼꦠꦼꦭ꧀ꦫꦮꦶꦱ꧀ꦗꦺꦁꦒꦺꦴꦠ꧀ꦚ꧈ꦢꦾꦤ꧀ꦮꦼꦂꦏꦺꦴꦢꦫꦔꦺꦩ꧀ꦥꦼꦂꦫꦶ꧈ꦊꦧ꧀ꦢꦲꦶꦁꦱꦱ꧀ꦠꦿ꧈ꦱꦤ꧀ꦢꦶꦮꦫꦩꦸꦩ꧀ꦥꦸꦤ꧀ꦤꦶ꧉ |
| 2 | Pak Ananta asalnya saking Makasar/ pěparab Bugis Andi/ agagah prakosa/ kětěl rawis jènggotnya/ Dyan Wěrkodara ngèmpěri/ lěbda ing sastra/ sandiwara mumpuni// |
| ꧓ | ꧄ꦢꦺꦤ꧀ꦧꦶꦪꦤ꧀ꦠꦸꦢꦺꦤꦶꦁꦩꦮꦂꦤꦠꦼꦤꦒ꧈ꦱꦩꦾꦒꦾꦠ꧀ꦚꦩ꧀ꦧꦸꦠ꧀ꦏꦂꦢꦶ꧈ꦏꦤ꧀ꦛꦶꦱꦸꦏꦫꦶꦭ꧈ꦱꦼꦁꦏꦸꦠ꧀ꦥꦏꦂꦪꦤ꧀ꦤꦶꦫ꧈ꦲꦚꦶꦪꦂꦏꦼꦤ꧀ꦏꦭꦮꦂꦠꦶ꧈ꦧꦼꦫꦶꦠꦥꦿꦗ꧈ꦫꦸꦥꦶꦩꦗꦭꦃꦉꦱ꧀ꦩꦶ꧉ |
| 3 | Dèn biyantu dèning mawarna těnaga/ samya gyat nyambut kardi/ kanṭi suka rila/ sěngkut pakaryanira/ anyiyarkěn kalawarti/ Běrita Praja/ rupi majalah rěsmi// |
| ꧔ | ꧄ꦢꦠꦤ꧀ꦢꦔꦸꦤꦸꦭꦶꦱꦩꦶꦥꦶꦤ꧀ꦝꦃꦒꦿꦶꦪ꧈ꦲꦶꦁꦥꦁꦒꦺꦴꦤ꧀ꦤꦤ꧀ꦏꦁꦱꦼꦥꦶ꧈ꦩꦱꦶꦃꦮꦼꦁꦏꦺꦴꦤ꧀ꦮꦪꦁ꧈ꦏꦁꦲꦤ꧀ꦢꦂꦧꦺꦤ꧀ꦤꦶꦮꦶꦱ꧀ꦩ꧈ꦧꦥꦏ꧀ꦩꦤ꧀ꦝꦺꦴꦂꦲꦶꦫꦶꦒꦱꦶ꧈ꦢꦠꦤ꧀ꦏꦶꦤꦶꦫ꧈ꦤꦸꦭꦶꦥꦮꦂꦠꦥꦿꦥ꧀ꦠꦶ꧉ |
| 4 | Datan dangu nuli sami pinḍah griya/ ing panggonan kang sěpi/ masih wěngkon Wayang/ kang andarbèni wisma/ bapak manḍor irigasi/ datan kinira/ nuli pawarta prapti// |
| ꧕ | ꧄ꦱꦸꦁꦲꦸꦤꦶꦔꦮꦸꦱ꧀ꦫꦮꦸꦃꦲꦶꦁꦧꦚꦸꦠꦸꦮ꧈ꦱꦏꦶꦁꦮꦪꦁꦠꦤ꧀ꦠꦼꦧꦶꦃ꧈ꦱꦁꦥꦔ꧀ꦭꦶꦩꦧꦼꦱꦂ꧈ꦱꦺꦤꦥꦠꦺꦁꦔꦪꦸꦢ꧈ꦥꦏ꧀ꦱꦸꦢꦶꦂꦩꦤ꧀ꦲꦮꦼꦮꦔꦶ꧈ꦭꦒꦾꦭꦭꦤ꧈ꦠꦼꦒꦸꦃꦭꦧꦸꦃꦤꦒꦫꦶ꧉ |
| 5 | Sung uninga wus rawuh ing Banyutuwa/ saking Wayang tan těbih/ sang panglima běsar/ sènapatèng ngayuda/ Pak Sudirman awěwangi/ lagya lělana/ těguh labuh nagari// |
| ꧖ | ꧄ꦤꦢꦾꦤ꧀ꦒꦼꦫꦃꦠꦤ꧀ꦮꦼꦒꦃꦲꦠꦶꦭꦂꦮꦶꦱ꧀ꦩ꧈ꦠꦶꦤꦤ꧀ꦝꦸꦢꦺꦤ꧀ꦭꦩ꧀ꦥꦃꦲꦶ꧈ꦏꦼꦏꦭꦶꦃꦤꦪꦏ꧈ꦱꦩꦼꦏ꧀ꦠꦱꦩꦶꦠꦶꦤ꧀ꦢꦏ꧀꧈ꦩꦁꦒꦶꦃꦲꦶꦱꦁꦱꦺꦤꦥꦠꦶ꧈ꦥꦁꦒꦶꦃꦲꦤꦶꦫ꧈ꦒꦥꦾꦸꦏ꧀ꦤꦽꦚꦸꦃꦏꦼꦤ꧀ꦒꦭꦶꦃ꧉ |
| 6 | Nadyan gěrah tan wěgah atilar wisma/ tinanḍu dèn lampahi/ kěkalih nayaka/ saměkta sami tindak/ manggihi sang sènapati/ panggihanira/ gapyuk nrěnyuhkěn galih// |
| ꧗ | ꧄ꦱꦁꦥꦔ꧀ꦭꦶꦩꦲꦭꦺꦴꦤ꧀ꦥꦔꦤ꧀ꦢꦶꦏꦤꦶꦫ꧈ꦲꦥꦏꦁꦢꦺꦤ꧀ꦲꦭꦩ꧀ꦩꦶ꧈ꦤꦭꦶꦏꦤꦺꦁꦪꦺꦴꦒꦾ꧈ꦲꦶꦧꦸꦏꦺꦴꦠꦱꦶꦤꦼꦫꦁ꧈ꦏꦧꦶꦤꦺꦠ꧀ꦮꦸꦱ꧀ꦲꦩꦸꦠꦸꦱ꧀ꦱꦶ꧈ꦝꦠꦼꦁꦱꦸꦩꦠꦿꦃ꧈ꦥꦼꦩꦿꦶꦤ꧀ꦠꦃꦥꦸꦱꦠ꧀ꦔꦭꦶꦃ꧉ |
| 7 | Sang panglima alon pangandikanira/ apa kang dèn alami/ nalika nèng Yogya/ ibu kota siněrang/ kabinèt wus amutusi/ ḍatěng Sumatrah/ pěmrintah pusat ngalih// |
| ꧘ | ꧄ꦩꦶꦱ꧀ꦠꦼꦂꦱꦾꦥ꦳ꦿꦸꦝꦶꦤ꧀ꦱꦶꦤꦼꦫꦃꦲꦤ꧀ꦥꦶꦩ꧀ꦥꦶꦤ꧀ꦤꦤ꧀꧈ꦮꦶꦠ꧀ꦠꦤ꧀ꦤꦏꦁꦲꦤ꧀ꦢꦸꦒꦶ꧈ꦤꦱꦶꦧ꧀ꦧꦺꦤꦪꦏ꧈ꦏꦁꦠꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦪꦺꦴꦒꦾ꧈ꦤꦸꦭꦶꦱꦩꦶꦢꦺꦤ꧀ꦫꦸꦗꦸꦏ꧀ꦏꦶ꧈ꦏꦶꦫꦶꦩ꧀ꦥꦮꦂꦠ꧈ꦝꦠꦼꦁꦥꦼꦂꦝꦤꦩꦼꦤ꧀ꦠꦿꦶ꧉ |
| 8 | Mistěr Syafruḍin siněrahan pimpinan/ wit tan na kang andugi/ nasibé nayaka/ kang tan wontěn ing Yogya/ nuli sami dèn rujuki/ kirim pawarta/ ḍatěng pěrḍana měntri// |
| ꧙ | ꧄ꦥꦿꦤꦪꦏꦏꦁꦠꦤ꧀ꦠꦶꦤꦁꦏꦼꦥ꧀ꦮꦭꦺꦴꦤ꧀ꦢ꧈ꦱꦸꦥꦪꦢꦺꦤ꧀ꦲꦏꦼꦤ꧀ꦤꦶ꧈ꦥꦼꦩꦿꦶꦤ꧀ꦠꦃꦝꦫꦸꦫꦠ꧀꧈ꦢꦢꦶꦧꦒꦶꦪꦤ꧀ꦤꦶꦫ꧈ꦔꦱ꧀ꦠꦥꦶꦩ꧀ꦥꦶꦤ꧀ꦤꦤ꧀ꦤꦒꦫꦶ꧈ꦤꦸꦭꦶꦥꦩꦶꦠꦤ꧀꧈ꦧꦶꦝꦭ꧀ꦮꦁꦱꦸꦭ꧀ꦢ꧀ꦮꦶꦩꦼꦤ꧀ꦠꦿꦶ꧉ |
| 9 | Pra nayaka kang tan tinangkěp Walănda/ supaya dèn akěni/ pěmrintah ḍarurat/ dadi bagiyanira/ ngasta pimpinan nagari/ nuli pamitan/ biḍal wangsul dwi měntri// |
| ꧑꧐ | ꧄ꦱꦶꦗꦶꦢꦶꦤꦮꦸꦱ꧀ꦥꦿꦥ꧀ꦠꦲꦸꦠꦸꦱꦤ꧀ꦤꦶꦫ꧈ꦤꦪꦏꦝꦭꦩ꧀ꦤꦼꦒꦿꦶ꧈ꦲꦱꦸꦏꦥꦮꦂꦠ꧈ꦩꦤꦮꦥꦏ꧀ꦱꦸꦏꦶꦩꦤ꧀꧈ꦢꦭꦃꦥꦏ꧀ꦏꦱꦶꦩꦱꦩꦶ꧈ꦊꦉꦩ꧀ꦤꦺꦁꦢꦺꦱ꧈ꦲꦶꦁꦤꦔꦿꦩ꧀ꦧꦺꦮꦼꦁꦏꦺꦴꦤ꧀ꦔꦮꦶ꧉ |
| 10 | Siji dina wus prapta utusanira/ nayaka ḍalam něgri/ asuka pawarta/ manawa Pak Sukiman/ dalah Pak Kasima sami/ lěrěm nèng dèsa/ ing Ngrambé wěngkon Ngawi// |
| ꧑꧑ | ꧄ꦈꦠꦸꦱꦤ꧀ꦤꦺꦲꦸꦒꦶꦲꦩ꧀ꦧꦼꦏ꧀ꦠꦥꦮꦂꦠ꧈ꦏꦮꦿꦠ꧀ꦏꦺꦴꦫꦤ꧀ꦮꦭꦤ꧀ꦢꦶ꧈ꦪꦺꦤ꧀ꦏꦢ꧀ꦮꦶꦤꦪꦏ꧈ꦥꦏ꧀ꦱꦤ꧀ꦠꦥꦏ꧀ꦏꦱꦶꦩ꧈ꦏꦁꦱꦶꦤꦼꦫꦁꦱꦏꦶꦁꦔꦶꦁꦒꦶꦭ꧀꧈ꦮꦸꦱ꧀ꦱꦩꦶꦠꦶꦮꦱ꧀꧈ꦮꦂꦠꦢꦺꦴꦫꦩꦸꦕꦸꦁꦔꦶ꧉ |
| 11 | Utusané ugi amběkta pawarta/ kawrat koran Walandi/ yèn kadwi nayaka/ Pak Santa Pak Kasima/ kang siněrang saking nginggil/ wus sami tiwas/ warta dora mucungi// |
Nawaksara
Turut andil menjaga warisan budaya Nusantara.
Suka dengan konten Nawaksara.id ? Kamu bisa memberikan dukungan dengan mentraktir kopi atau bagikan konten ini di media sosial.
profil
